ພໍ່ແມ່ນັກຮຽນທີ່ເຄົາລົບ, ນັກຮຽນທີ່ຮັກແພງ, ບັນດາທ່ານ,
ເຂົ້າຮັບຕໍາແໜ່ງໃນເດືອນກັນຍາ 2018, ຂ້າພະເຈົ້າມີຄວາມຍິນດີຂໍຕ້ອນຮັບທ່ານເຂົ້າສູ່ໂຮງຮຽນຝຣັ່ງນາໆຊາດວຽງຈັນ Josué Hoffet.
ເປັນສະຖາບັນການສຶກສາທີ່ມີສົນທິສັນຍາ* ນັບຕັ້ງແຕ່ ປີ 1991 ກັບ AEFE (ອົງການເພື່ອການສຶກສາພາສາຝຣັ່ງໃນຕ່າງປະເທດ) ແລະ ໄດ້ຮັບການຮັບຮອງດ້ານການສິດສອນ** ຈາກກະຊວງສຶກສາທິການແຫ່ງຊາດຝຣັ່ງ, ສຳລັບປີການຮຽນນີ້ມີນັກຮຽນທັງໝົດ 639
ຄົນ ຕັ້ງແຕ່ຊັ້ນອານຸບານຈົນເຖິງຊັ້ນມັດທະຍົມປາຍ (ສາຍສັງຄົມ ແລະ ສາຍວິທະຍາສາດ). ຂ້າພະເຈົ້າບໍລິຫານງານໂດຍການຮ່ວມກັບຄະນະຕົວແທນຜູ້ປົກຄອງນັກຮຽນ. ຕິດຕາມຢ່າງໄກ້ຊິດຕໍ່ກັບເງື່ອນໄຂການສຶກສາທີ່ດີຂອງນັກຮຽນພວກເຮົາ, ຂ້າພະເຈົ້າມີຄວາມປະທັບໃຈທີ່ສຸດທີ່ໄດ້ເຂົ້າມາໃນໂຮງຮຽນຫຼັງ
ໃຫມ່ທີ່ຫາດຊາຍຂາວ ແລະ ພົບກັບການຈັດສັນໃໝ່ທີ່ດີເລີດຂອງທີມງານສິດສອນໂຮງຮຽນຊັ້ນປະຖົມທີ່ທ່າເດື່ອ.
ໂຮງຮຽນຫຼັງໃໝ່ຊັ້ນມັດທະຍົມທີ່ຫາດຊາຍຂາວປະກອບມີອຸປະກອນການສຶກສາຫຼາຍຢ່າງທີ່ມີຄຸນນະພາບ ແລະ ທັນສະໃໝ ເຊັ່ນ : ອຸປະ
ກອນຄອມພິວເຕີ້, ຫອ້ງທົດລອງວິທະຍາສາດທີ່ໄດ້ຄຸນນະພາບ, ຫອ້ງສະໝຸດທີ່ມີເນື້ອທີ່ກ້ວງຂວາງ ເປັນພຶ້ນທີ່ສວຍງາມສໍາລັບການອ່ານ
ແລະ ຄົ້ນຄົ້ວ. ເດີ່ນກິລາທີ່ເຕັມໄປດ້ວຍພື້ນທີ່ສໍາລັບກິລາຫຼາຍປະເພດ, ເດີ່ນເຕະບານ, ຫອ້ງຊອ້ມເຕັ້ນ ແລະ ສະລອຍນໍ້າທີ່ມີຂະໜາດ
ໃຫຍ່ເຄິ່ງໜຶ່ງຂອງສະລອຍນ້ຳສໍາລັບແຂ່ງໂອລິມປິກ.
ການດໍາລົງຊີວິດຮ່ວມກັນບໍ່ໄດ້ຖືກລືມ ເພາະວ່ານັກຮຽນໄດ້ນໍາໄຊ້ເດີ່ນຫຼິ້ນຂະໜາດໃຫຍ່, ການບໍລິການຂອງຮ້ານອາຫານທີ່ໜ້າປະທັບໃຈ ແລະ ຫອ້ງກິດຈະກໍາການສຶກສາຂອງນັກຮຽນຊັ້ນມັດທະຍົມປາຍທີ່ກ້ວງຂວາງ. ສ່ວນຜູ້ປົກຄອງຈະຖືກຮັບຕອ້ນໃນສະຖານທີ່ທີ່ຖືກຈັດໃຫ້
ສະເພາະ.
ມຸມມອງດ້ານການສຶກສາ, ປີການຮຽນນີ້ເລີ້ມຕົ້ນພາຍໄຕ້ຄວາມສຸກ ໂດຍໃນໄລຍະງານປິດເທດສະການ ອາທິດໂຮງຮຽນຝຣັ່ງໃນທົ່ວໂລກ ໄດ້ມີການມອບໃບຮັບຮອງລະດັບພາສາ 323ໃບ ໃຫ້ນັກຮຽນພວກເຮົາ (ພາສາອັງກິດ, ພາສາແອດສະປາຍ, ພາສາຝຣັ່ງ, ພາສາລາວ ແລະ ພາສາຈີນ) ຊຶ່ງທ່ານທູດຝຣັ່ງປະຈໍາລາວໄດ້ໃຫ້ກຽດເຂົ້າຮ່ວມງານ. ການສື່ສານດ້ວຍຫຼາຍພາສາແມ່ນເປົ້າໜາຍຕົ້ນຕໍ່ຂອງໂຄງການ
ສິດສອນຂອງໂຮງຮຽນ. ໃນປີການຮຽນນີ້ ພວກເຮົາໄດ້ດໍາເນີນການສິດສອນໂດຍໄຊ້ຮູບແບບໃໝ່ໃນຊັ້ນມັດທະຍົມ PARLE (ຫຼັກສູດປັບ
ປຸງ ແລະ ເສີມຂະຫຍາຍດ້ານພາສາຕ່າງປະເທດ ທຽບເທົ່າກັບຫຼັກສູດ EMILE ທີ່ມີຢູ່ແລ້ວໃນຊັ້ນປະຖົມ) ທີ່ເຫັນພອ້ມໃຫ້ສິດສອນເປັນ
ພາສາອັງກິດໃນເວລາສວ່ນໜຶ່ງຂອງຊົ່ວໂມງຮຽນຂອງບາງວິຊາ (ວິຊາປະຫວັດສາດ-ພູມສາດ, ວິຊາເຕັກໂນໂລຊີ, ວິຊາກິລາ, ວິຊາເລກ). ພວກເຮົາບໍ່ລືມຄວາມສໍາຄັນຂອງການຮຽນພາສາຝຣັ່ງ ໂດຍໄດ້ເພີ້ມຊົ່ວໂມງສອນສະເພາະພາສາຝຣັ່ງທີ່ເອີ້ນວາ FLESco (ພາສາຝຣັ່ງ ພາສາຮຽນຕົ້ນຕໍໃນໂຮງຮຽນ) ເປັນຊົ່ວໂມງຮຽນທີ່ເຮັດໃຫ້ນັກຮຽນທີ່ບໍ່ເວົ້າພາສາຝຣັ່ງສາມາດພັດທະນາພາສາຝຣັ່ງຂອງຕົນໄດ້ໄວຂຶ້ນ.
ຂ້າພະເຈົ້າຈະຂໍນັດພົບບັນດາທ່ານໃນໄວໆນີ້ເພື່ອປຶກສາຫາລືເຖິງການປະຕິຮູບຫຼັກສູດການສິດສອນຂອງໂຮງຮຽນ: ການສິດສອນສະເພາະບຸກຄົນເປັນຮູບແບບການສິດສອນທີ່ຈະສະທ້ອນໃຫ້ເຫັນເຖິງຄວາມສົນໃຈ ແລະ ຄວາມສາມາດຂອງນັກຮຽນພວກເຮົາ.
ຂ້າພະເຈົ້າຂໍອວຍພອນໃຫ້ປິການຮຽນນີ້ເປັນປີທີ່ສົດໃສສໍາລັບທ່ານ.
Sylvie Le Roy
* ສະຖາບັນການສຶກສາທີ່ມີສົນທິສັນຍາ : ໝາຍເຖີງສະຖາບັນການສຶກສາທີ່ຖືກຄຸ້ມຄອງໂດຍສະມາຄົມທີ່ມີສິດເອກະລາດ, ມີສົນທິສັນຍາດ້ານການບໍລິ
ຫານ, ການເງິນ ແລະ ການສິດສອນ ທີ່ຂຶ້ນກັບ AEFE ໂດຍສະເພາະກ່ຽວກັບເງື່ອນໄຂການຈ່າຍເງິນເດືອນໃຫ້ກັບພະນັກງານລັດສັງກັດກະຊວງສຶກ
ສາທິການແຫ່ງຊາດຝຣັ່ງ ແລະ ກ່ຽວກັບການພິຈາລະນາມອບທຶນຊ່ວຍເຫຼືອຕ່າງໆໃຫ້ໂຮງຮຽນ.
** ສະຖາບັນການສຶກສາທີ່ໄດ້ຮັບການຮັບຮອງ:ຮັບປະກັນຄຸນນະພາບຫຼັກສູດການສຶກສາທີ່ສອນ ແລະ ຮັບປະກັນໃຫ້ສອດຄອ່ງກັບເປົ້າໝາຍການສິດສອນ ແລະ ຫຼັກການພື້ນຖານຂອງການສຶກສາສາທາລະນະໃນປະເທດຝຣັ່ງ.